LA HABANA, AP. – Diputadonan di Parlamento unilateral kubano a kuminsá su promé seshon plenario di aña meimei di atvertensianan riba un segundo semèster ekonómikamente difísil pa e isla.
E agènda menshoná riba página di Internèt a indiká ku entre e aktividatnan tin aprobashon di un proyekto riba “lineamentunan di e polítika ekonómiko i sosial”, e dokumentu ku a sali di e VII Kongreso di Partido Komunista di Cuba i ku kier buska reformanan ekonómiko ku Castro a kuminsá kuné seis aña pasá kual ta permití inisiativanan di merkado liber sin ku ta pèrdè e base sosialista estatal di modelo.
Funshonar ionan a atvertí ku e kaida di preis den eksportashon i otro problemanan ekonómiko ta nifiká ku e kubanonan mester adoptá medidanan pa spar elektrisidat i pa spar kombustibel. Te ainda esakinan a inkluí un disminushon den servisio di bus, bahada den uso di èrko den ofisina públiko, un redukshon den dia laboral den algun edifisio estatal i un bahada di 50% den asignashonnan di kombustibel pa vehíkulonan gubernamental.
Un rapòrt di e portal ofisial di Cubadebate a informá ku e visepresidente enkargá di asuntunan ekonómiko Marino Murillo a bisa ku e ekonomia a krese ku 1% den e promo semèster, bou di espektativa i ku ta laga e pais korto na sèn.
