SAN FRANCISCO, AP.- Dos persona a keda arestá den konekshon ku un tiroteo na un skol di San Francisco ku a laga kuater alumno heridá, asina outoridatnan a informá. Giselle Talkoff, bosero polisial a konfirmá e arestonan. Sinembargo e funshonario no a identifiká e suhetonan ni a duna edat ni género. Tin otro dos sospechoso ku ta prófugo.
E insidente a pasa djamars ora ku e hóbennan tabata sali di e skol. Bala nan a hasi impakto na un mucha muhé ku tabata blanku di e agresor, ademas di otro dos hóben. Tur tin edat di 15 aña. Esaki a sosodé den parkeerplaats di June School for Equity, un skol públiko ku ta enfatisá enseñansa riba violensia i fabor di hustisia sosial. E mucha muhé a keda hospitalisá pero ta duda si e ta rekuperá. E otro tres muchanan ku tambe a keda heridá pa impakto di bala a risibí atenshon médiko i nan a keda òntslag for di hospital.
