NICE, FRANSIA, AP.- Outoridatnan franses a detené dos persona mas komo parti di e investigashon di un atake ku trùk durante selebrashon di Dia di Bastille den e siudat mediteráneo, Nice. Akinan 84 persona a muri, miéntras ta purbando di determiná si e agresor tabata un ekstremista religioso komprometé òf simplemente un hòmber furioso ku sosiedat.Entre tantu, e kasa separá di Mohamed Lahouaiej Bouhlel ( e shofùr di e trùk), a wòrdu laga den libertat djadumingu despues di a keda interogá, segun informashon di un funshonario franses di fiskal di Paris.E muhé ta mama di tres yu di Bouhlel i tabata den proseso pa divorsio di esaki. El a keda detené djabièrnè, un dia despues ku e hòmber, un tunesio di 31 aña, a dal espektadornan di vürwèrk pa Dia di Bastille riba e paseo marítimo famoso di Nice. Investigadornan a detené dos persona djadumingu, nan ta posibel kómplise di Bouhlel. Un total di seis persona ta detené pa outoridatnan relashoná ku e atake, ku e grupo Estado Islámiko a tuma responsabilidat p’e.
Un hòmber i un muhé a keda detené djadumingu mainta na Nice, segun un funshonar io d i ofisina di Fiskal di Paris, ku ta supervisá e investigashonnan di terorismo den e pais. Esun responsabel no a duna mas dato riba identidat di esnan detené i a indiká ku sinku persona tabata detené den kustodia polisial.
Bisiñanan di e agresor a bisa na The Associated Press ku su kasa tabata entre esnan detené.
Outoridatnan ta buskando posibel kómplise di Bouhlel.
Estado Islámiko a atribuí responsabilidat di e atake pero no ta kla ku Bouhlel realmente tabatin vínkulonan konkreto ku e milisia radikal.
E komunikado di estado Islámiko ta indiká ku ainda ta purbando di atvertí paisnan ku ta kombatiendo e radikalnan.
