QUITO, ECUADOR, AP.- Ecuador a paga 112 mion dòler na e empresa petrolero merikano, Chevron, kumpliendo ku un desishon resien di korte federal di Washington.
E gerente di Banko Sentral, Diego Martinez, a bisa ku “awe nos a paga 112 mion dòler i esaki ta un anunsio importante”. Esaki primisia i AP aki a keda konfirmá pa un fuente di e empresa.
Chevron a gana un demanda presentá na aña 2006 pa tardansa di prosesonan hudisial di kortenan ekuatoriano ku no a resolvé shete demanda komersial presentá entre 1991 i 1993 pa Texaco, un empresa atkerí pa Chevron na 2001.
E sentensia di un korte Federal di Washington a konfirmá e desishon anterior di Korte Internashonal di Den Haag.
