LOS ANGELES.- Un polis penshoná ku tabata rabiá ku frakaso di su matrimonio a lòs tirunan riba su kasá i otronan den un bar na sùit di California, unda sa tin hopi motosiklista ta frekuentá i finalmente el a mata tres hende i heridá seis, segun outoridatnan a informá. Polisnan ku a yega na e sitio a tira e hòmber mata, i el a keda identifiká komo John Snowling di 59 aña.
Den e kaso aki su kasá a keda heridá i a sobrebibí e atake. Esaki ta un kapítulo mas den e historia di violensia di arma di kandela na Merka. Di akuerdo ku un grupo kontra arma di kandela, e aña aki kaba tabatin kasi 500 di kasonan similar di tiramentu.
