MONTEVIDEO, URUGUAY, AP.- E sirio Abu Wa’el Dhiab, un di e seis eks prizoneronan di Merka ku a risibí refugio na Uruguay, ta realisando un wèlga di hamber i no ta bebiendo líkido tampoko. E ta eksihiendo su liberashon di e pais aki.
“e ta hopi debil i ta posibel ku den próksimo oranan e mester wòrdu interná. E kier Sali di Uruguay”, asina Jorge Voituet a indiká na The Associtaed Press, kende a sera un amistat ku Dhiab na Montevideo. Ya Dhiab a realisá otro wèlganan di hamber na momentu ku e tabata será na Guantanamo, kaminda debí na tratonan ku el a risibí el a haña vários problema ku salú.
Voituret a señalá ku e deskonformidat ku Dhiab ku su situashon na Uruguay a bira mas pió den último oranan debí na inkumbiniensia ku e Servisio Ekuméniko pa Dignidat Humano, un organisashon no gubernamental delegá pa e gobièrnu pa asistí refugiadonan.
Dhiab a bandon
á Uruguay den yüli pero a regresá dia 27 di yüli na Caracas kaminda el a manifestá su intenshon di biaha pa Turkia òf un terser pais “pa reuní ku su famia” segun indikashon di un komunikado di kansier uruguayo.Despues di un luna detené. Venezuela a deporte debí ku e no a realisá e trámitenan migratorio korespondiente.
