NORTH CAROLINA, AP.- E gobernador di North Carolina, Pat McCrory, a deklará estado di emergensia pa 66 kondado di zonanan sentral i ost di estado paso orkan Matthew por pasa na kosta ost di Merka.
McCrory a bisa djaluna den un konferensia di prensa ku e deklarashon lo yuda agrikultornan inmediato pa retirá e kultivonan afektá pa áwaseru den último dos simannan.
El a señalá ku e no ta deseá mas kultivo ruiná, pues restrikshon di peso di karga den trùknan a wòrdu anulá i algun ora di servisio tambe. Asina e deklarashon di emergensia a indiká, ku e intenshon pa agrikultornan trese nan propio produktonan riba merkado.
E gobernador a bisa ku e no kier pa produktornan warda te djaweps pa kuminsá traha si akaso e tormenta aserká North Carolina. Direktor di defensa Sivil di Repúblika Dominicana, Rafael de Luna a bisa ku te djaluna mèrdia, algu mas di 13.000 persona ku ta biba den zonanan konsiderá di riesgo haltu a wòrdu evakuá di forma preventivo i hibá na kas di famianan den áreanan mas safe.
Cuba a deklará alerta pa e orkan den seis provinsia oriental i ta desplasando residentenan den zonanan plat pa r efugionan temporal den edifisionan di gobièrnu.
Un funshonario hamaikino a bisa ku personanan den zonanan inundá den e pais a ninga di bandoná nan kas na momentu ku Matthew a trese áwaseru intenso i algun inundashon den partinan di e isla.
