WASHINGTON, MERKA, AFP.- Un estudio nobo ku ta konfirmá e konklushonnan di OEA tokante elekshon na Bolivia aña pasá a afirmá ku tabatin froude elektoral den e pais. E mishon elektoral di Organisashon d Estadonan di Amérika a konkluí ku tabatin “manipulason” i “iregularidatnan” grave den elekshon di 20 òktober 2019 na Bolivia
E organisashon a señalá ku ta imposibel pa validá e resultadonan, kual a provoká renunsia di e presidente elekto Evo Morales, meimei di un konvulshon sosial. Un ekonomista i eks presidente di Banko Mundial di Bolivia a bisa ku “e konklushonnan di OEA tokante integridat elektoral boliviano ta korekto”. E estudio a keda publiká djabièrnè riba Twitter pa e mishon ku ta representá e pais suramerikano den OEA.
E verifikashon di voto di OEA a kousa renunsia di Morales despues ku el a manehá e pais pa kasi 14 aña largu. E eks presidente a buska refugio na México i despues Argentina.
