ALBANY, NEW YORK, AP.- Fiskal di New York a ordená Fundashon Trump pa stòp ku rekoudashon di fondo den e estado pasó esaki no ta registrá pa e aktividat ei.
James Sheehan, a skibi un karta djabièrnè ku si esaki no pasa inmediatamente i rospondé na reklamonan di informe finansiero den 15 dia, lo konsiderá e akto aki komo un froude persistente kontra pueblo di Estado di New York.
E sekretario di Hustisia Eric Schneiderman, un demókrata, a kuminsá investigá e fundashon di e kandidato presidensial republikano Donald Trump despues di informenan publiká pa Washington Post, indikando ku e kantidato tabata benefisiá personalmente di e gastunan di e fundashon. E diario a sita deklarashonnan di impuesto pa revelá ku e fundashon ta finansiá totalmente pa donashonnan eksterno desde 2008, na momentu ku Trump a hasi su último aporte.
