TRENTON, NEW JERSEY, MERKA, AP.- E gobernador di New Jersey Phil Murphy a reiterá su respaldo na legalisashon di mariwana i ekspanshon di e programa di ‘cannabis medisinal’ den estado, ounke no a revelá si lo firma un lei relashoná ku esaki.
Murphy a bisa den un konferensia di prensa na New Brunswick ku e no a sinta analisá e dos proposishonnan nobo ainda, pero e kier hasi “tur dos”.
E presidente di senado estatal di New Jersey, e demókrata Steve Sweeney i su ko-religionario Nicholas Scutari a anunsiá e protestanan nobo djabièrnè. E medidanan a wòrdu anunsiá na momentu ku Murphy ta promové e legalisashon di mariwana, kumpliendo ku un promesa di kampaña. Su presupuesto ta indiká ku e mariwana lo wòrdu legalisá i generá entrada fiskal di 60 mion dòler.
Bou di e proposishonnan, esnan di 21 aña òf mas grandi por poseé, kumpra o transportá 28 gram di mariwana òf ménos.
Un otro proposishon lo permití pa kualkier dòkter outorisá pa preskribí e sustansianan kontrolá pa emití preskripshonnan pa mariwana.
