CARACAS.- Venezuela ta bibando momentunan sumamente difísil i ta parse ku e situashon ta sigui empeorá. Awe tabatin un reunion di asamblea, pero di tur manera a stroba Juan Guaidó pa drenta e edifisio di asamblea. Ni e kura e no por a drenta pasobra Guardia Nacional tabata push’é pafó. E kanal venezolano EvTV a transmití tur e detayenan pafó i despues paden di Asamblea.
Material oudiovisual riba retnan sosial por mira klaramente kon Guaidó ta trata na diferente okashon pa bula e kura haltu pa asina e por bai paden, pero Guardia Nacional a impedí esei na tur manera. Na e momento ku Guaidó tabata trata na drenta a elegí Luis Parra komo e presidente nobo di Parlamento. Mas detaye den edishon di EXTRA.
