NASHONNAN UNI, MERKA, AFP.- E sekretario general di Nashonnan Uní, Antonio Guterres, a ekspresá su deseo pa organisá “mas tregua humanitario” entre Ukrania i Rusia, siguiendo ehèmpel di un evakuashon di sentenáres di sivil di e empresa di heru Azovstal, na ost di Ukrania.
“Mi ta spera ku e koordinashon kontinuá ku Kiev i Moscow i kousa mas tregua humanitario pèrmitiendo sivilnan pa alehá di zonanan di kombate di un forma safe i tambe yuda otronan yega kaminda nan mester yega”, segun indikashon di e sekretario den un komunikado.
E kordinadó humanitario di Nashonnan Uní pa Ukrania, Osnat Lubrani a bisa ku mester di kompromisonan adishonal ku sosten di Nashonnan Uní i Krus Kora Internashonal pa sigui buska i planifiká otro operashonnan manera esun na Azovstal.
