TRENTON, NEW JERSEY, MERKA, AP.- Un hòmber a heridá 20 persona djadumingu mardugá den un tiroteo den un festival di kultura na New Jersey promé ku el a wòrdu derotá pa polis. asina outoridat a informá.
e suseso a pasa 3’or di mardugá na Trenton den un festival yama Art All Night, kaminda por a disfrutá di arte, músika i kuminda.
Angelo Onofri, fiskal di kondado Mercer, a bisa den konferensia di prensa ku 16 di e heridonan a haña tratamentu pa herida di bala. Kuater di nan, inkluyendo un mucha di 13 aña di edat ta den kondishon kritiko.
El a bisa ku e hòmbernan a tira kontra e multitut 2:45 di mardugá i un di nan di 33 aña di edat a wòrdu derotá. E otro agresor ta detené.
Mas o ménos 1.000 persona tabata na e sitio na momentu ku e tirunan a kuminsá.
E evento a kuminsá djasabra atardi i mester a sigui te djadumingu atardi.
