MILWAUKEE, WISCONSIN, MERKA, AP.- Un sospechoso di violensia familiar a tira i heridá un agente gravemente na Milwaukee. E sospechoso a hui i a suisidá. E polis tabata sintá den su patruya segun outoridatnan.
E sospechoso, d i suburbio di West Allis, di 20 aña di edat, tabatin dos delito grave den su historia di detenshon, segun e bosero di polis sargento Tim Gauerke, kende e apstené di revelá nòmber di e agresor.
E polis, di 31 aña, a wòrdu hibá pa un hospital ku heridanan ku no ta pone su bida na peliger.
” Esaki ta un otro ehèmpel di e peliger ku nos agentenan ta enfrentá diariamente a protehá nos siudadanonan”. Asina hefe athunto di polis di Milwaukee, William Jessup a bisa, durante un konferensia di prensa.
E polis tabata sintá den su patruya miéntras tabatin un investigashon andando, alrededor di 2’or di mardugá, na momentu ku un sospechoso a aserk’é na pia i tir’é vários biaha.
Investigadornan ta pensa ku e hòmber morto tabata impliká den e insidentenan di violensia familiar. No a publiká nòmber di e agente heridá, kende tabata den servisio pa 13 aña.
