DENVE, COLOADO, MERKA, AP.- Un hòmber na Denver ta akusá di intento di asesinato despues di rekonosé ku el a dal su outo pa malu pa mata su yu di 2 aña. Asina a wòrdu informá ayera.
Nathan Weitzel ta detené ku un fiansa di 500.000 dòler pa e insidente di 21 di ougùstùs na Centennial.
KUSA-TV a reportá ku e mucha, ku no tabata den e asiento infantil no tabatin faha di seguridat i a sufri na su kabes i un faktura na su pia, pero ta spera ku e lo rekuperá.
Dokumentonan den korte ta bisa ku Weitzel a bisa na un investigadó polisial ku el a plania e aksidente aki pasó e no tabata sinti “sufisiente hòmber pa kria un yu”. Ademas, el a bisa ku el a usa kokaina e dia.
Segun e rapòrt, Weitzel a detayá ku el a hiba su yu den un parke promé ku e choke i ku a pensa den diferente forma pa mat’é.
