WASHINGTON, AP- E presidente di Hondúras Juan Orlando Hernandez a kalifiká e konstrukshon di un muraya na frontera merikano ku México komo inefektivo.”Akinan tin vários barera ku a wòrdu konstruí. Esaki no ta para nada na ningun lugá riba nos planeta òf di historia”. Asina e mandatario a bisa durante un bishita den e kapital merikano. Hernandez a duna un deklarashon riba esaki e dia siguiente ku e partido republikano a inkluí e proyekto aki riba su programa elektoral. E muraya lo wòrdu konstruí na frontera ku México, manera e pre-kanditato presidensial Donald Trump a primintí. Hernandez a kalifiká e enfoke di gobièrnu merikano pa destiná 750 mion dòler pa un strategia multi-anual pa fortalesé institushonnan i mehorá seguridat siudadania na Honduras, El Salvador i Guatemala komo bálido.
E presidente di Partido Republikano, Reince Priebus a bisa djárason na kanal di televishon FOX ku “e idea di murayanan na frontera tabata den nos plataforma” ideológiko ya pa vários aña kaba. Priebus a agregá ku e dokumento aprobá no ta spesifiká ku México mester paga pa e mura
