Importansia di konosé lei di gobernansa korporativo

Jo-Ann de Wind

Mr. Jo-Anne de Wind abogado/hurista ku su kompania JDW Lex Attorneys at Law a presentá e buki ku e teksto aktual di e Ordenansa Nashonal Corporate Governance i e Kódigo Corporate Governance. Ta trata di un tema ku mester ta konosí pa un i tur i p’esei nos di Djasabra a habri nos plataforma pa asina Jo-Anne por a papia di dje. Den kuadro di  selebrashon di sinku aña di e eksistensia di JDW Lex Advocaten, sra. mr. Jo-Anne de Wind a traha un teksto konsolidá di tantu e Lei di gobernansa korporativo komo e Besluit di Kódigo di Gobernansa Korporativo di Kòrsou, ámbos dokumentunan aki ta inkluí den e bùndel aki. JDW Lex Advocaten ta spera di kontribuí pa medio di e publikashon di e bùndel aki na kresementu di konosementu i komprenshon di e reglanan di gobernansa korporativo na Kòrsou. E buki ta disponibel na Bruna i Mensing.

Su promé buki

Segun Jo-Anne, dunando un reakshon riba e sentimentu di su promé buki el a bisa ku ta algu grandi pa e saka algu pa mishi kuné. Ounke kon fini òf diki e ta. Tambe e ta sinti ku ta su buki ounke na mes momentu no pasobra e ta bai di lei i e no a skibi lei. El a aktualisá e lei pa hende por pasa mas fásil dor di dje. E ta un sentimentu miksto pasobra no ta e a skibi e lei pero el a traha e buki si. Pe no tabata asina difísil pa traha e buki pasobra ta bai di lei pasobra ta kosnan ku e ta traha tur dia kuné. E punto ta ku e ta laga un lugá print esaki ku ta algu nobo kontrali na djis print un dokumento. E tin di tene kuenta ku diferente punto ora ta trata di drùk un buki ku den su kaso tabata algu nobo.

https://youtu.be/PTrPQXp6qhU

Spesialisá lei kompania

Jo-Anne ta abogado spesialisá riba leinan di kompania. El a bisa ku hopi hende konosé ku e proyekto di Lora Man Legal pero ta for di 2006 e ta trahando komo abogado den leinan di kompania. Ora gobièrnu a introdusí e Corporate Governance, poko poko e tambe trahando den e área ei den gobièrnu mes tambe den SBTNO i e tin su kompania pa 6 aña kaba dirigí riba Corporate Governance i p’esei e por konsiderá su mes un spesialista riba e tereno aki.

No ta kompliká

E leinan di gobernansa korporativo no ta asina difísil ku tin bia hende ta pensa. Segun e abogado tin bia hende ta pensa ku komo ta lei e ta kompliká. Pero e ta pidi pa les’é i wak esaki promé ku pens’é. E promé paso ta bai wak e lei. E lei ta traha di tal forma ku direktornan di kompanianan tambe por les’é i komprondé i bèrdat e tin su parti difísil pero no ta asina ku un hende ku den e funshon aki no por les’e riba su mes.

Boluntat pa hasi kos korekto

E leinan di gobernansa korporativo ta importante segun Jo-Anne. E ta importante ya ku e ta pega na motibunan finansiero. Na kaminda ku 10 10 10 gobièrnunan a ripará ku si mira kon ta dil ku e kompanianan di gobièrnu e por bira un problema pa kaha di gobièrnu. Si algu bai robes por ehèmpel  Aqualectra ta kiko lo sosodé. Gobièrnu tin di yud’é pa si algu bai robes kuné. Meskos ku por ehèmpel UTS, e tempu ei a kuminsá ku servisio di telefòn komo departamento di gobièrnu. Esei ta pa mustra importansia di komunikashon di un pais. Ta mira e importansia di e lei pasobra e pensamentu ta ku ora tin e hende korekto na e kaminda korekto e por drei mihó. No ta asina ku ta pasobra tin e persona ku sierto ‘background’, ta pone ku e ta bai mihó pero mester tin e boluntat pa hasi kosnan korekto, siguiendo proseduranan.

Kódigo no ta pa un karga èkstra

E kódigo no tei pa pone un karga pero e tei pa por sigui proseduranan i kiko pa tene kuenta kuné, kiko tin di tene kuenta kuné den relatonan di e kompania ta traha, kuantu bia pa aña tin di hasié. E kódigo ta stipulá ku 4 bia pa aña mester tin relato finansiero. Tin ta pensa ku e ta di mas òf ku kisas e kompania ta chikí p’esei no tin di hasié. I bèrdat e kódigo ta bisa ku por diskulpá pa kumpli ku e reglanan pero no pasobra e kompania kisas ta chikí i tiki trahadó ta hasi ku outomátikamente e no ta kumpli ku reglanan. Por ta un kompania chikí ku kisas asta 2 trahadó pero ku tin miónes ta drei den dje. I den un kaso aki no por bisa ku pasobra ta un kompania chikí no por drei un relato finansiero kada 3 luna. E tin di aber ku bo mester konosé e reglanan i tin boluntat pa praktiká nan. I mas importante ta pa komprondé dikon tin di tene bo mes na regla. Por ripará ku dia pa dia tin un progreso den kon ta dil ku kompania i fundashonnan kompará ku ántes. Antes tabata asina ku ora gobièrnu nobo sinta ta mira karanan nobo. I asta tabata bisa ku un labadó di outo por bira komisario. Niun hende tabata puntra si e persona ta kapasitá òf no. Tin 40 fundashon i 20 NV i tin 9 awor aki ta bai kai bou di e Corporate Governance i kada un mester di hende kapas, ounke no tur hende por pas den tur kaminda. E ta kere ku si e persona tin nivel di HBO òf mas haltu i ta kuadra den e profil, mester tin un kaminda p’e. E persona no solamente mester kobra pa luna pero e mester por hasi e trabou tambe den e empresa òf NV. Otro punto importante dikon hende kapas segun Jo-Ann ta ku tin NV i fundashon ku nan problema i no por ta asina ku ta nombra un persona den e komisariado ku no tin tempu. Na momentu ku e persona tuma e funshon i ke kontribuí realmente na pais e mester wak na ki forma e por hasié mas mihó.

Moveshon positivo

Si tira un bista bèk riba e añanan ku e leinan di Corporate Governance ta eksistí Jo-Anne a bisa ku tin un moveshon positivo. Den añanan 2012 pa 2013 ya tabata pensa ken lo tene nan mes na dje. E ta kòrda ku e tempu ei el a puntra un kolega ku kos ta bai muchu poko poko. Pero nos mester ta konsiente ku ta poko poko e ta kambia di rumbo. Tin moveshon positivo. E statutonan ku na kuminsamentu hende no kier  a kumpli kuné pero poko poko a implementá statutonan modelo. Tin statutonan modelo ku ta trese un poko mas profeshonalismo kon pa atendé ku e entidatnan aki.

Tin sanshon

I ora ta papia di kumplimentu, mester tin sanshon mará na esaki. Segun Jo-Anne a menshoná, tabatin enkuesta sivil ku ta señal ku ora hasi algu robes tin konsekuensia. Tin BZV tambe ku no ta muchu tempu pasá kaminda por mira ku tabatin konsekuensianan pa esnan responsabel. Wes a bisa den e kaso ei ku e hende mester tabata sa den kiko e ta hinka su kurpa. Un hende tin bia e mes no sa kiko ta su kapasidatnan pero otro mester bis’é esei i e persona mester ta konsiente ku ora hinka su mes den e prosesonan aki, e mester tene kuenta ku e reglanan.

Splikashon na papiamentu

Teniendo na kuenta ku e leinan ta na hulandes, dikon no papiamentu tambe. Jo-Anne a bisa Djasabra ku el a kuminsá ku e buki na hulandes i e ta kere ku ta bon pa tin e tambe tradusí. Pero e ta kere e mihó kos ta pa komprondé kiko tin pa sa. E mes ta duna e kursonan na papiamentu i e ta haña hopi reakshon positivo pero e hende mester kustumbrá ku esei. El a kuminsá duna e kursonan aki na papiamentu pasobra na 2018 ora el a kuminsá ku su promé presentashon el a ripará mayoria hende tabata yu di Kòrsou. El a prepará su presentashon na hulandes i el a puntra si nan tabata ke na papiamentu i el a haña e reakshon pa bai na papiamentu. I esei tabata e empuhe ku el a haña pa duna na papiamentu. E ta bisa delantá ku e ta duna e kursonan na papiamentu pa esun ku ta partisipá sa kiko e ta bai haña.

Di dos buki na kaminda

I despues di e promé buki, tin mas na kaminda. Jo Anne a bisa di ta besig ku e di dos buki. I kisas e kumpli ku e petishon di kumpli ku otro idioma ku no ta hulandes so. E ta spera ku pronto lo keda kla kuné. Tambe e lo sigui duna informashon manera el a hasi aña pasa den kaso di Ennia. E aña aki e ke sigui. Tur lei ta skibi pa hurista pero mas bien e ta pa pueblo. Si tur hende komprondé leinan mas mihó e ta sòru pa trata e kompanianan mihó tambe.

Lora Man Legal fin di aña

Na 2019 Jo-Anne a kuminsá ku Lora Man Legal. El a bisa ku e ke hasié mesun forma ku ora e duna presentashon i mester keda nèchi. I e ke pa Lora Man Legal keda nèchi pero e ta kosta tempu. Tin hopi eksigensia pe últimamente. E ta spera na mas fin di aña bin un Lora Man Legal. Lora Man no ta e so pasobra el a traha e kasitanan di habon. Yu di Kòrsou trahando produkto na Kòrsou no ta asina fásil i si bo ke hende komprondé. Si bo hasi Lora Man bon e no ta eksihí traha produkto bon so pero bai segun reglanan di pais. P’e Lora Man ta e plataforma kaminda e tin bon sosten di famia, amigu i spònsernan i e ta spera di haña mas spònser pa por yuda karga e gastunan. Ku Lora Man no tin ganashi pero e gastunan ta hopi haltu.