ALABAMA(USA).- Joran van der Sloot a presentá den korte awe mainta na Merka relashoná ku e kaso di desaparishon di Natalee Holloway na aña 2005 na Aruba. Hustisia merikano a logra ekstradishon di Joran for di prizòn na Perú unda e ta sintando un kastigu largu pa asesinato di e damita Flores. Un ratu pasa, na District Court na Birmingham, a bira konosí ku Joran a aseptá di ta kulpabel den e kaso di asesinato di Holloway.
Joran van der Sloot, hòmber hulandes oropeo ku a nase na Arnhem Hulanda pero for di chikitu a bai biba ku su mayornan na Aruba, tin 35 aña di edat awor aki. Joran ta akusado den e kaso di desaparishon pasobra por a mira ku Natalee a bandoná e klup nokturno na Aruba ku Joran i nunka mas niun hende a tende òf mira Natalee. Mama di Natalee, Beth semper a keda insistí ku ta Joran a mata su yu di 18 aña .
Den korte na Alabama Joran a aseptá di ta kulpabel. Esaki tabata parti di e akuerdo ku Joran a sera ku hustisia merikano, esta ku e ta aseptá su kulpabilidat i asina por haña ménos kastigu na Merka. Despues di e kaso Joran mester bai bèk Perú pa e kaba di sinta su kastigu pa asesinato di Stephanie Flores.
