BERLIN, AP.- Sientífikonan a haña evidensia pa respaldá loke mayoria doño di kachó ta kere for di vários tempu. Esaki ta e mihó amigu di un ser humano si e komprondé loke e ta bisa. Investigadónan na Hungria a scan serebro di kachónan miéntras nan tabata skucha e entrenadó papia ku intenshon pa determiná kua parti di e serebro e kachónan tabata usa. Investigadornan a detektá ku un kachó ta prosesá palabra ku e hemisferio robes i ta usa esun drechi pa prosesá e tono, meskos ku sernan humano ta hasi.
Mas importante, e kachónan solamente a registrá ku nan tabata wòrdu elogiá si e palabra i tono tabata positivo. Na momentu ku nan tende un palabra sin sentido pero ku bos fuerte, òf palabra ku nifikashon pero den tono natural, e mesun efektonan no a wòrdu registrá.
Atilla Andics, nuerosientífiko di Universidat Eotovos Lorand di Budapest i outor prinsipal di e estudio a komentá ku e deskubrimentunan ta indiká ku e kapasidat mental pa prosesá e lenguahe a evolushoná mas tempran di loke a kere anteriormente i loke ta distinguí humano di otro espesienan ta invenshon di palabra.
