BEIJING, CHINA, AFP.- E kantidat di mortonan kousa pa derumbe di un edifisio na China, a subi na 26, segun indikashon di e kanal di televishon públiko chines CCTV, sitando outoridatnan lokal.
E edifisio di ocho piso, kual ta keda den siudat di Changsha, a kolèps pa motibunan deskonosí.
Den e edifisio tabatin apartamentunan, un hotèl i un sine.
Despues di tareanan intenso di reskate, outoridatnan a konfirmá ku “tin dies persona ku a wòrdu reskatá a deskubrí 26 mas morto”, segun indikashon di e kadena estatal CCTV.
Un muhé por a wòrdu reskatá djaweps, despues ku el a keda kasi seis dia pega entre e restu di e edifisio.
Medionan estatal a informá ku e muhé tabata studiando riba su kama na momentu ku e edifisio a kolèps i ku el a logra keda na bida dor ku el a ingerí kantidatnan chikitu di awa i usando un manta pa e kalentá su mes. E muhé tabata konsiente durante e reskate.