WILLEMSTAD – Awe den oranan di mardugá outoridatnan polisial mester a duna asistensia na e negoshi di Op=Op na Sta. Maria. A risibí notifikashon ku ladronnan lo a kibra drenta di e porta dilanti di e negoshi. No tabata konosí kiko e ladronnan a logra di bai kuné. Awe mainta lo hasi un inventario pa determiná esaki. Securitas tambe tabata na e sitio. Polis lo sigui investigá e kaso aki i wak si kámara nan di seguridat di e negoshi por a kapta algu di e suseso.
