NEW YORK, AP. – Mayoria kompania i organisashon ta buskando formanan kreativo pa atraé personanan ku ta hunga “Pokemon GO”.
Inkluyendo riba dianan kalor di verano, e aplikashon popular di smartphone ta hasiendo ku hungadónan ta sali den kaya pa buska algun Pokemon den ‘pokestops’ i ‘gimnasionan’, lugánan ku ta keda den sitionan real. Ta p’esei parkenan temátiko, bara i asta refugionan animal ta purbando di saka probecho di tantu persona andando ku e wega aki.
Na New York, Doughnut Plant a krea un vershon komestibel di “pokeballs”, despues ku un empleado opseshoná ku Pokemon GO a ripara ku e kuater tiendanan di e empresa tabata “pokestops” òf tabata serka di unu, segun doño di e kompania Mark Israel. Un di e paradanan aki ta un gimnasia. Mayoria ta reuní aki sea pa kima algun kaloria virtual òf pa kumpra donuts.
E parke Bush Gardens na Florida tin algun “pokestops” aksesibel pa algun kliente.
E ekipo di beisbòl Pawtucket Red Sox Rhode Island a invitá esnan afishoná pa persiguí e mònsternan virtual riba su kampo.
