LONDON, AP.- Agentenan na frontera britániko a yuda outoridat franses lidia ku e tráfiko enorme di biaheronan ku a purba krusa Kanal pa Fransia. E retrasonan peligroso, meimei di un temporada kayente i húmedo, ta debí na e komienso di e temporada britániko di fakansi, na momentu ku desena di míles di turista ta dirigí pa Europa kontinental.
Outoridatnan franses a amplia kòntròl na frontera debí na estado di eksepshon ku a keda deklará despues di vários atake terorista kontra sivilnan.
E oumento di medidanan di seguridat a kousa filanan enorme di outo i trùk riba e karetera ku ta hiba na Dover.
Fransia ta tradishonalmente e punto di salida di biahenan di outomobilista pa e parti paden di Fransia.
Esaki ta inkluí Spaña, Italia, Suisa i otro destinonan popular.
Outoridatnan a atvertí djadumingu ku shofùrnan ta enfrentá un temporada di por lo ménos sinku ora pa warda i drenta den e haf di Ferry na Dover òf via e Tùnel di Kanal pa Fransia.
A rekomendá tur biahero pa bai ku awa i kuminda adishonal pa kualkier traslado ku ta inkluí e kanal.
Tabatin algun voluntario ta parti awa i bara di granola pa e outomobilistanan pegá den e fila. Esaki a keda respaldá ku yudansa di helikòpter di polis.
