WASHINGTON, AP. – Motornan prematuro kousá pa kontaminashon atmosfériko a kosta 225.000 mion dòler den 2013 na e ekonomia mundial pa pèrdida di entrada laboral. Asina Banko Mundial a indiká djaweps.
E organismo multilateral a indiká ku e montante di pèrdida a mustra un subida di e montante di 162.000 mion dòler registrá na 1990. Esaki a pone ku gobièrnunan a pidi medidanan urgente pa asina mehorá e kalidat di aire.
E kon taminashon atmosfériko aki ta kosta Latinoamérika i Karibe un entrada laboral ekivalente na 0,13% di su Produkto Interno Bruto, muchu mas abou ku e 0,83% registrá pa Asia Meridonial a registrá, kual ta e region mas afektá.
Banko Mundial a karakterisá e kontaminashon atmosfériko komo e forma di kontaminashon mas letal i e di kuater faktor prinsipal di riesgo di fayesementu prematuro riba planeta. Na 2013, esaki a kousa mas o ménos 5,5 mion morto a kousa di enfermedatnan asosiá ku kontaminashon eksterior òf den kas.
Den un estudio elaborá huntu ku Instituto di Midishon i Evaluashon di Salu (IHME), Banko Mundial a kalkulá ku si e fayesementunan relashoná ku kontaminashon di aire afektá prinsipalmente muchanan chikitu i adultonan mas grandi, e mortonan prematuro tambe ta provoká un pèrdida di entradanan laboral den e pueblo ekonómikamente aktivo.
