NASHON UNI, AP.- Perú a pidi un diálogo polítiko inmediato pa enfrentá loke el a kalifiká komo un krísis “multi faseta” na Venezuela.
“Nos ta hasi un petishon solidario pa kuminsá un diálogo polítiko interno sin kondishon ni restrikshon den pleno rèspèt pa konstitushon’, asina e mandatario Pedro Pablo Kuczynski a bisa refiriendo na Venezuela durante su promé intervenshon dilanti di Asamblea General di Nashon Uní.
E hefe di estado peruano a pidi un diálogo despues di ekspresá su preokupashon pa e situashon na Venezuela.
Desde komienso di e aña aki, eks presidentenan Martin Torijos, Leonel Fernandez i Jose Rodriguez Zapatero a impulsá un diálogo ku ta konta ku respaldo di e komunidat internashonal i ku ta buskando un salida di e krísis kompliká ku tin na Venezuela pa e inflashon haltu i problema severo di skarsedat di kuminda, medisina i otro produktonan. E problemanan aki a generá vários protesta riba kaya i sakeo di negoshinan.
