LONDON, AP.- Gran Bretaña lo kuminsá e proseso formal pa bandoná Union Europeo promé ku mart 2017 kaba. Asina promé minister britániko, Theresa May a bisa, poniendo fin na vários siman di duda pa fecha di e trámite.
Ounke promé minister May tin hopi tempu insinuando ku e kier kuminsá e trámitenan na komienso di aña ku ta bini, mayoria analista a spekulá ku kisas mester warda te despues di elekshon franses pa presidensia, kual ta tuma lugá den mei.
Den yüni Gran Bretaña a vota na fabor di bandoná Union Europeo, pero ainda no a aktivá e artíkulo di atentado di e bloke pa kuminsá negosiashonnan. Si esaki pasa na komienso di aña ku ta bini esaki lo kulminá salida di e bloke komersial di 28 pais pa 2019.
May a konfirmá su plannan djadumingu na BBC, promé ku un diskurso tokante Brexit den konferensia di e Partido Konservador di Birmingham.
Promé minister May a agregá ku lo pidi parlamento pa revoká e Lei di Komunidat Europeo, e medida ku ta hasi legislashon europeo lei den Gran Bretaña. May a afirmá ku su gobièrnu lo inkorporá tur lei europeo i despues revoká esaki konforme nesesidat pa analisá kaso pa kaso.
“Esei ta nifiká ku Gran Bretaña lo ta un nashon soberano i independiente”.
