BELLEFONTAINE, OHIO, MERKA, AP.- Un muhé merikano akusá di asfiksiá su tres yunan chikí den un periodo di 13 luna a bisa den un interogatorio polisial grabá, ku el a asfiksiá nan ku un klechi pasobra e no tabata ke pa nan sufri.
E korant “The Columbus Dispatch” a reportá djaweps ku Brittany Pilkington a bisa ademas ku e tabata deprimí i e tabata teme ku su yunan eventualmente lo a bira abusivo kontra muhénan.
Un hues di e kondado Logan, na Ohio, tabata revisá e deklarashonnan hasí pa Pilkington miéntras e ta pensando riba un pedido pa ekskluí su konfeshon den e kaso potensial na pena di morto. Su abogadonan a bisa ku e konfeshon a keda optené inkonstitushonalmente.
Fiskal ta bisa ku e muhé di 24 aña a akordá di keda interogá sin presensia di un abogado.
Outoridatnan ta bisa ku Pilkington a mata su yu chikí i dos beibi pa motibu ku e tabata yalurs na e atenshon ku e tata tabata duna esakinan.
E muhé a deklará su mes inosente.
