WASHINGTON, AP.- E eks presidente di kampaña elektoral di Donald Trump, a demandá e fiskal spesial, Robert Mueller, i departamento di Hustisia di Merka.
Paul Manafort ta argumentá den e demanda ku Mueller a abusá di su outoridat dor di investig’é pa kondukta no relashoná ku e interferensia ruso den elekshon presidensial di 2016.
Manafort a wòrdu akusá den òktober i a deklará inosente.
E demanda a wòrdu entregá djárason den un korte federal na Washington.
E abogado di Manafort no a rospondé mesora na un yamada buskando komentario i un bosero di ofisina di Mueller a ninga di duna komentario.