MINSK, BELARUS, AFP.- E manifestantenan di Belarus, a manifestá djadumingu pa sigui eksihí renunsia di e presidente outoritario Alexander Lukashenko. El a enfrentá dos luna di protestá di opositornan di su gobièrnu.
E grupo di derechi humano a indiká ku vários persona a keda arestá na Minsk, kaminda outoridat a spùit awa riba e manifestantenan i blòkia áreanan klave den sentro di e kapital.
E manifestantenan a evitá di marcha den e siudat pa prevení un represhon polisial na gran eskala. E wèpsait di notisia di oposishon Nasha Niva a indiká ku un sentenar di konsentrashon a tuma lugá den Minsk i su barionan.
Belarus a akohé vários luna di manifestashon kontra e régimen kual a empeorá despues di elekshon presidensial den ougùstùs, kaminda Lukashenko a gana un di seis mandato konsekutivo.
Su opositornan ta bisa ku e votamentu tabata froudulento i ku e lider opositor Svetlana Tikhanovskaya ta e ganadó berdadero di e elekshon.
