KALAMAZOO, MERKA, AFP.- Merka lo haña miónes di vakuna kontra COVID-19. Ta trata di un operashon enorme di distribushon ku a inisiá djadumingu, ku e intenshon pa atministrá e promé dósis awe.
E despliegue impreshonante aki ta reflehá Merka su urgensia pa haña e vakuna, kaminda kasi 300.000 persona a muri pa motibu di e vírus.
Un kantidat di trùk kargá ku míles di dósis di e vakuna di Pfizer/BioNTech a Sali for di e planta di Pfizer na Kalamazoo djadumingu, rumbo pa e sentronan di distribushon di UPS i FedEx, na enkargo di e entrega.
Pfizer ta kalkulá ku 20 avion lo transportá e vakunanan diariamente pa tur siudat den e pais, inkluyendo e tribu nativo merikano Navajo.
