CARACAS, VENEZUELA, AP.- Vários sentenar di polis nashonal, ku ekipo antimotin, a blòkiá e paso di un marcha di míles di opositor ku kier a yega na sede di Konseho Nashonal Elektoral den sentro di Caracas pa asina preshoná un referèndem pa kita e mandato di presidente Nicolás Maduro.
Míles di opositor, ku no tabatin pèrmit di alkalde ofisialista di Caracas a kuminsá e marcha mèrdia mobilisando na nort i ost di e kapital.
Polisnan ku ekipo antimotin a logra sera algun kaminda pa e manifestantenan aki, outoridatnan a sera algun stashon di metro tambe pa motibu di seguridat.
Un di e mobilisashonnan, enkabesá pa e dirigente Henrique Capriles, a logra pasa algun blokeo di kuerponan di seguridat i a avansá riba un kaminda n ost di e kapital, meimei di un kongestionamentu vehikular fuerte. Kontingentenan polisial a para meimei di e avenida Libertador pa impedí e avanse di e opositornan.
” Nos no a bini pa konfrontá polis, pero nos kier laga tur kos bon kla.
Nos ta bai defendé konsti tushon”, asina Capriles a bisa, kende ta un di e promotornan prinsipal di e referèndem. Ademas, el a pidi tur manifestante pa retirá pasifikamente for di e sitio.
