MIAMI, AP. – Emil io Estefan a identifiká su mes komo un direktor i produktor di músika sin niun afiliashon polítiko. Na su banda Ana Navarro ta bisa ku e ta republikano i den tononan fuerte e ta sigurá ku ounke e ta mantené hopi diferensia ku e empresario di orígen kubano, nan ta uni den un mesun propósito esta pidi e miónes di hispanonan pa nan registrá pa vota i akudí na urna na novèmber próksimo pa eligí un presidente pa e pais.
Estefan i Navarro kende ta asesorá e eks kandidato presidensial republikano John McCain na 2008 riba temanan hispano, a aparesé huntu denundie5videonanku ta reuní representantenan partidario manera e legisladó demókrata Luis Gutierrez, e polítiko demókrata Maria Cardona i e eks sekretario di finansa republikano Rosario Marin i e figuranan di mundu di entretenimentu manera e aktor i direktor di sine Edward James Olmos i e aktris Diana Guerrero.
E videonan ta buska na mustra ku e latinonan mester uni komo un komunidat elektoral mas leu ku kualke afiliashon polítiko, lo keda publiká for di djaluna awor riba Internet i retnan sosial . Nan ta forma parti di un kampaña di e organisashon no partidista “Mi familia vota” ku for di dos dékada pasá ta enkurashá e organisashon i voto di e komunidat latino di Merka.
E kampaña “nos ta uni” ta tuma lugá mei mei di e intentonan kresiente di organisashonnan no gubernamental i di e mesun partidonan polítiko di mobilisá e elektornan hispano, un grupo ku no ta sali bai vota normalmente di forma masivo.
