SIUDAT DI MEXICO, AP.- Un total di 112 migrante, entre nan 25 menor, a regresá México komo parti di e programa lansa na final di yanüari pa e atministrashon di Donald Trump. Esaki ta nifiká ku e sentroamerikanonan ku a pidi asilo den Merka mester warda nan proseso riba tereno mehikano.
Tonatiuh Guillen, di Instituto Nashonal di Migrashon a rechasá e idea pa México aseptá menornan di Merka ku a pidi asilo einan.
17 famia di Honduras, El Salvador i Guatemala a regresá. Esaki a inkluí 18 menor di 12 aña i 7 adolesente.
Guillen a bisa ku ainda Merka no a ekstendé e práktika aki na otro partinan di frontera. El a señalá ku te ainda tin kapasidat pa e migrantenan regresá i warda den refugionan di Tijuana pero a alerta ku “esaki tin un límite”.
El a agregá ku segun e programa krese, esaki ta oumentá e probabilidatnan pa e frakasá debí na e kantidat di demanda ku tambe lo subi. Vários demanda ta indiká ku e plan no ta respetá e proseso di solisitut di asilo.
