WASHINGTON, AP.- Merka a suspendé kontaktonan bilateral ku Rusia relashoná ku Siria, segun departamento di Estado. E desishon ta sigui e atvertensia ku a wòrdu hasí siman pasá pa e sekretario di estado John Kerry, kende a indiká ku lo suspendé kontaktonan si e atakenan den siudat di Alepo persistí.
Rusia no a kumpli ku e términonan di e akuerdo di luna pasá pa restourá e tregua i garantisá entrega kontinuo di asistensia humanitario den siudatnan dominá pa rebelde.
Komo par ti di e suspenshon, Washington a disidí pa retirá personal ku el a manda pa partisipá den establesimentu di un sentro konhunto entre Merka i Rusia. E sentro lo a konta ku koperashon koordiná den asuntunan militar i di inteligensia. E suspenshon no ta afektá e komunikashon entre Washington i Moscow ku mester eliminá e konflikto den operashonnan antiterorista na Siria.
