WILLEMSTAD.- Servisio Meteorológiko Kòrsou awe mainta a emití un boletin spesial. Segun Meteo awe for di 10 or di mainta tin un mensahe di prekoushon (kódigo hel) na vigor pa kalor eksesivo. E kondishonnan lo dura te 6 or di atardi.
Impakto antisipá:
-‘Zonnesteek’, kansansio i kram ta posibel dor di e kayente;
-Malesa dor di e kayente ta posibel si ekstendé aktividat físiko den kayente òf keda den kalor pa tempu largu.
Medida di prekoushon:
-Si bo ta hasi kualke aktividat pafó, bebe hopi awa i evitá di mas esfuerso;
-Si bo no ta sinti bu bon, deskansá den fresku mas pronto posibel.
