MEXICO, AFP.- E gobièrnu di México a felisitá Luis Arce djaluna, kende ta e kandidato di eks presidente Evo Morales, den elekshon presidensial di Bolivia.
“Nos kier felisitá Luis Alberto Arce Catacora, kende a triunfá den elekshon presidensial di Bolivia”, asina e presidente mehikano Andres Manuel Lopez Obrador a bisa. “Nos ta selebrando un gran konflikto ku e keda solushoná demokrátikamente i pasífiko.
E kansier mehikano, Marcelo Ebrard tambe a ekspresá su felisitashon na e kandidato elekto Luis Alberto Arce.
E kandidato di Movementu di Sosialismo (MAS) a haña 52,4% di voto, pero ainda e resultadonan mester keda anunsiá ofisialmente.
E resultadonan di elekshon presidensial di 2019 a keda anulá despues di un verifikashon di voto di OEA. E órgano a determiná ku presidente Morales, kende tambe a partisipá pa reelekshon, a gana ilegalmente. Morales a renunsiá i buska asilo na México i despues na Argentina.
E relashon entre México i e gobièrnu a deteriorá pa motibu ku presidente Lopez Obrador a duna eks presidente Morales asilo.