WASHINGTON, MERKA, AFP.- Facebook a develá un software basá riba inteligensia sosial, i kual ta tradusí un sentenar di idioma sin dependé di ingles.
E sistema a keda kreá pa yuda Facebook entregá mihó kontenido den 160 idioma na mas di 2.000 usuario rònt mundu.
“E resultado aki ta kulminashon di vários aña largu di trabou”, asina e investigadó asistente di e empresa, Angela Fan, a bisa den un blog.
Fan a bisa ku e sistema nobo ta mas eksakto kompará ku kualkier otro sistema pa motibu ku e software no ta usa ingles komo un paso intermedio pa tradusí.
“Por ehèmpel, mayoria software multilingual ta tradusí por ehèmpel di chines pa franses, tradusiendo na ingles promé i despues pa franses. Esaki ta pa motibu ku e datonan na ingles ta ampliamente disponibel”.
“Nos software ta tradusí direktamente di chines pa franses, pa preservá nifikashon di e kontenido”. Facebook a bisa ku e empresa ta registrá 20.000 mion tradukshon pa dia i ta spera ku e sistema nobo ta ofresé mihó resultado.