CARACAS, VENEZUELA, AP.- E Ministernan di relashon eksterior i petrolio di Venezuela a kuminsá ku un gira pa algun pais ku ta produsí krudo pa promové un konsenso pa nan por drecha nan preisnan.
Djamars anochi Delcy Rodriguez i Eulogio Del Pino a sali pa Iran, Arabia Saudita i otro paisnan petrolero pa konstruí un konsenso ku ta permití nan aktua di forma kordiná na fabor rekuperá e preisnan. Sin duna mas informashon Rodrigues a bisa den un yamada ku el a hasi na e programá di televishon di presidente Niocolás Maduro ku e miembronan di e organisashon di e paisnan ku ta eksportá petrolio i produktonan ta duna nan apoyo na e propuesta di Venezuela. Pa elogiá e gira Maduro a bisa ku mester krea un sistema nobo pa garantisá i stabilisá e merkado i preisnan hustu ku ta permití imbershonnan den e industria petrolero. For di basta tempu Venezuela ta den un krísis ekonómiko.
OPEP ta manda un propuesta i pa rekuperá merkado i wak e preisnan pero te na e momentu aki no a logra di avansá. E bahada di krudo di 46 dòler pa barí a gòlpia e ekonomia venezolano. Venezuela a keda afektá pa 2.36 mion di barí pa dia.
