MOSCOW, AP.- Un mucha di 3 aña ku a pasa 72 ora pèrdí den un mondi na Siberia a wòrdu reskatá, segun informashon di Ministerio di Emergensia di Rusia. E menor, di pueblo di Khut den region di Tuva, na sùit di Siberia, a pèrdè djadumingu. Un helikòpter i 100 ekipo di reskate a partisipá den e búskeda, 200 kilometer na nort di frontera ku Mongolia.
E mucha a wòrdu hañá djárason mardugá, 3 kilometer leu di e pueblo, na momentu ku el a kontestá su tio, kende a partisipá den e búskeda i kende tabata yam’é na su nòmber. E ministerio a bisa ku e mucha tabata den bon kondishon.
Segun prensa ruso, e mucha a drenta e mondi siguiente un kachó na momentu ku su wela a wòrdu distraé. E tabatin solamente un bara di chukulati pa e kome.
