WASHINGTON, AP. – Presidente Barack Obama lo biaha pa vários pais despues di elekshonnan entre nan Perú kaminda e lo partisipá den un kumbre di foro di kooperashon ekonómiko Asia Pasífiko APEC.
Lo ta su último gira pa ekstranheria promé ku e baha na yanüari. Kas Blanku a informá ku Obama lo bai Gresia dia 15 di novèmber pa reuní ku presidente Procopis Pavlopoulos i e promé minister Alexis Tsipras. Einan e mandatario merikano lo papia riba e krísis ekonómiko di Gresia i e krísis di refugiadonan na Oropa.
Dia 17 di novèmber Obama lo bai Alemania pa papia ku kansier Angela Merkel riba asuntunan komersial, e konflikto na Ukraina, e guera na Siria i maneranan di kombatí e grupo di estadonan islámiko.
Lo ta e di 6 biahe di Obama pa Alemania komo presidente. Huntu ku Merkel e lo reuní ku e lidernan di Fransia, Gran Bretaña i Italia.
Dia 18 di novèmber e lo biaha pa Perú pa e kumbre di foto di Apec.
