WASHINGTON, AP. – Presidente Barack Obama a redusí sentensia di 111 prizonero federal, kontinuando su práktika di otorgá indulto parsial na esnan ku a wòrdu será pa delitonan no violento relashoná ku droga.
Desde basta tempu, Obama a pidi pa eliminá sentensianan largu pa delito di droga, argumentando ku esakinan ta eksesivo.
Neil Eggleston, asesor legal di Kas Blanku a bisa ku e indulto parsial ta reflehá e poder di e mandatario pa usa su poder pa duna klemensia pa duna un segundo oportunidat na esnan ku meresé esaki.
El a informá ku Obama a otorgá un total di 673 indulto, mas ku e total otorgá pa 10 presidente anterior. Mas di un terser parti di prezunan benefisiá tabata kumpliendo bida largu.
Eggleston a bisa ku probablemente Obama lo sigui otorgá sentensia kòrtiku ta na final di su mandato. Pero e reforma di sentensianan ta dependé di Kongreso.
