BAGHDAD, AP.- Un seri di atake na Baghdad i den áreanan rondó di dje ayera djadumingu a laga 23 morto. Ta trata di e ola di violensia mas resien atribuí na e grupo ku ta yama nan mes Estado Islámiko.
Un outo karga ku eksplosivo a eksplotá den un merkado den bisindario di chii di siudat Sadr lagando por lo ménos 7 morto i 15 herido segun e bosero di ministerio interior, general Saad Maan. El a agregá ku un polis a detektá e atakante siusida den e outo i a tir’é pero no por a evitá ku e outo a eksplotá.
Un polis i dos fuente médiko a duna un saldo di morto mas haltu; 16 morto i 47 herido. Den e hospital kaminda nan a keda hiba, a eksplotá un bòm den un eiskast di e kas mortuario. Segun fuentenan médiko, parse ta un di dos atakante ku a muri.
E grupo SI a atribuí e atake ora nan a afirmá ku nan deseo ta di mata chiis. E grupo EI ku ta suni, ta konsiderá e chiis komo paganonan ku meresé keda eksterminá.
Den otro parti di Baghdad un atakante siusida a detoná su eksplosivonan den un merkado di fruta i berdura den un bisindario chii, matando 9 persona i heridando 16 otro. Otro tres atakante ku bòm den e kapital i su alrededor a laga 7 morto i 24 herido.
E grupo EI a hasi hopi atentado na Baghdad den último siman, lagando un kantidat di morto. Tabatin
