GINBRA, SUISA, AFP.- E hefe di OMS a pidi “un desaroyo masivo” di medionan pa produsí vakunanan kontra COVID.
E direktor general, Tedro Adhanom Ghebreyesus a usa e empresa franses Sanofi komo ehèmpel. E empresa a tarda ku desaroyo di su propio vakuna pero a ofresé pa produsí esun di su kompetensia Pfizer/BioNTech, ampliamente outorisá i kual su efikasia ta aprobá.
“Nos kier pidi otro kompanianan pa sigui e ehèmpel aki”, asina e funshonario a bisa.
E sumanan finansiero involukrá ta enorme. Pfizer a bisa ku e kantidat di plaka generá ku su vakuna kontra COVID lo yega 15.000 mion dòler den 2021.
E empresa suiso Novartis tambe a anunsiá ku lo pone su kapasidatnan na disposishon pa produsí e vakuna di Pfizer/BioNTech.
El a reiterá su petishon na paisnan riku ku ya a vakuna esnan vulnerabel i personal di salú pa pone e loke a sobra na disposishon di e paisnan pober.
