CARACAS, VENEZUELA, AFP.- E parlamento nobo di Venezuela, dominá pa chavismo, lo pidi huisio kontra Juan Guaidó, segun indikashon di e hefe di un komishon legislativo ku ta investigando e.
“Nos lo emití un informe preliminar na Asamblea Nashonal den e próksimo oranan ku ta determiná u eks diputado Juan Guaidó ta embolbí den un serie di aktonan kastigabel”, segun indikashon di Jose Brito, presidente di un komishon ku ta investigando manehonan legislativo bou di kontròl opositor.
Brito ta un diputado opositor ku a kibra laso ku Guaidó despues ku el a keda akusá ku korupshon vinkulá ku un programa di alimentashon di gobièrnu di Nicolás Maduro. El a bisa ku e informe tin sufisiente “elementonan” pa kuminsá ku un huisio kontra Guaidó.
