WASHINGTON, AP.- Organisashon Panamerikano di sali bisa djaweps ku despues di orkan Matthew mester kuminsá prepará pa kolera na Haiti. Esaki a registrá mas di 28.500 kaso pa e aña aki kaba.
OPS a señalá ku nuebe di 15 hospital mas importante di e pais ainda ta funshonando pero unu a wòrdu evakuá.
E organismo ya a aktivá su 35 funshonarionan na Haiti pa atendé e desaster di e orkan i epidemia di kolera, ademas di otro ekspertonan na koordinashon di salú, ekiponan médiko di emergensia, logístiko i suministro.
OPS a bisa ku ta apoyá ministerio haitiano di salú pa mehorá vigilansia i identifikashon den áreanan di riesgo haltu di brote di kolera.
E temor riba oumento di kaso di kolera ta debí na e inundashon masivo kousa pa e orkan i esaki su impakto riba infrastruktura di awa durante époka di áwaseru, ku ta dura te na komienso di 2017.
For di òktober 2010, Haiti a registrá mas di 790.000 kaso di kólera i mas di 9.300 morto.
Ministerio di salú a aktivá alertanan di kólera pa 12 munisipio den kuater deportamentu ku múltiple brote lokalisá, segun indikashon di OPS den un komunikado.
Matthew a kousa 114 morto segun esaki tabata pasando den Karibe, 108 ta di Haiti.
