HAMILTON, BERMUDA, AP.- Orkan Nicole a basha palunan abou i a inundá vários kas na islanan Bermuda. Esaki tabata debí na e yegada di e orkan kategoria 3 sumamente peligroso.
E orkan tabata 20 kilometer na ost di Bermuda djaweps mainta. Esaki tabatin bientunan sostené i 195 kilometer pa ora i a desplasá direkshon nortost ku 26 kilometer pa ora.
Ounke tabatin un periodo kòrtiku di trankilidat debí na e wowo di e orkan, outoridat a pidi tur habitante pa keda den nan kas.
“esaki ta un tormenta peligroso i a ahustá pronóstikonan klimatológiko”, segun señalashon di minister di seguridat nashonal Jeff Baron. “E parti mas pió no a pasa ainda”.
Debí na e orkan, mas di 20.000 kliente di islanan Bermuda a keda sin koriente.
E orkan aki a atkerí forsa i a kombertí den un orkan kategoria 4 djárason atardi ounke el a pèrdè forsa anochi. Sinembargo, meteorológikonan a atvertí ku esaki ta ekstremadamente peligroso ainda.
Segun Nicole tabata pasando riba Bermuda, 120 wéspet a wòrdu poné na salbo den un sala di evento na Hamilton Princess & Beach Club, un di e hotèlnan mas grandi di e isla.
