WILLEMSTAD.-Polis mester a bai ku urgensia awe mainta pa un kaso kaminda un outo chikí a bai kai den un roi. E kaso a hala atenshon debí ku ta ta trata di un roi basta hundu den Kaya Muizenberg. Informashon risibi na e sitio ta indiká ku e shofùr lo a pèrdè kontrol i a bai resultá den e roi. Tabatin dos hende den e outo i mesora a pidi presensia di ambulans pa hasi e kontrol nesesario, ademas e hende muhé den e outo tabata keha di doló na su pia. E tabatin un kap na su pia, pero no tabata nada di gravedat.
