HERUSALEM, AP.- Un Palestino a hinka un agente israelí di seguridat den pechu na Cisjordania i a provoká heridanan moderá na esaki. Asina ehérsito israelí a indiká djadumingu.
Vários sòldat a tira e agresor i a detené, segun indikashon di ehérsito. Ambos a wòrdu trasladá pa hospital.
E insidente, a tuma lugá despues di atakenan palestino e fin di siman aki ku a terminá ku un siman relativamente trankil.
Kuater palestino a wòrdu matá despues di ataká israelínan durante fin di siman. E brote di violensia a pone ku ehérsito israelí mester a manda trupanan pa Cisjordania.
E atakenan palestino a kuminsá un aña pasá den su mayoria a inkluí algun hinkamentu. Den e atakenan aki 34 israelí a muri i dos merikano tambe a muri. 214 palestino a muri durante e mesun periodo aki, den su mayoria konsiderá komo agresornan.
