DUBAI, EMIRATO ARABE UNI, AP.- Un hòmber ku a sobreviví un aterisahe forsa di un avion di Emirato, awor ta dòbel fortuná, despues di gana un mion dòler den loteria di e aeropuerto di Dubai.
Mohamed Basheer, di 62 aña ta tumando e situashon ku kalma. Basheer, kende ta di India, i ta traha komo kordinadó di operashonnan den un tienda di pintura, a bisa na The Associated Press ku e lo sigui traha den e konseshonario di Dubai te ora e retirá.
Basheer a haña sa ku el a gana loteria djamars. Djárason último, e tabata un di e 300 pasaheronan ku a sobreviví e aterisahe di un Boeing 777 di Emirato den e aeropuerto internashonal di Dubai.
El a bisa ku e lo usa e sèn pa yuda su famia i funda un organisashon karitativo den su pueblo natal di Pallickal, den estado di Kerala, na India.
