WILLEMSTAD – Djárason 16 di novèmber 2022 alrededor di 23.08’or, Sentral di Polis a risibí informashon di un insidente bastante grave ku a tuma lugá den área di Koraal Specht. Na yegada di e promé unidat, a bin topa ku un hende hòmber den vehíkulo ku un herida di bala parti abou di su kurpa. Segun informashon no ofisial e hóben lo tabata hunga ku arma i a los e bala sin por yuda i alkanse nèt den un ardu mayó.
Ambulans a transportá e hòmber pa departamento di emergensia di CMC pa tratamentu médiko mas avansá. Djaweps 17 novèmber 2022, alrededor 00:35’or dòkter a konstatá morto di e hòmber.
Riba òrdu di fiskal di Ministerio Públiko e kurpa sin bida wòrdu konfiská pa por hasi outopsia di lei.
Polis a konfiská e vehíkulo pa mas investigashon.
Investigashon den e kaso ta kontinuá.
